திருப்பாவை பாசுரம் 24
அன்று இவ்வுலகம் அளந்தாய் அடிபோற்றி
சென்றங்குத் தென்னிலங்கை செற்றாய் திறல் போற்றி
பொன்றச் சகடமுதைத்தாய் புகழ் போற்றி
கன்று குணிலா வெறிந்தாய் கழல் போற்றி
குன்று குடையா வெடுத்தாய் குணம் போற்றி
வென்று பகை கெடுக்கும் நின்கையில் வேல் போற்றி
என்றென்றுன் சேவகமே ஏத்திப் பறை கொள்வான்
இன்றுயாம் வந்தோம் இரங்கு ஏல் ஓர் எம்பாவாய்
அன்று இவ்வுலகம் அளந்தாய் அடிபோற்றி
சென்றங்குத் தென்னிலங்கை செற்றாய் திறல் போற்றி
பொன்றச் சகடமுதைத்தாய் புகழ் போற்றி
கன்று குணிலா வெறிந்தாய் கழல் போற்றி
குன்று குடையா வெடுத்தாய் குணம் போற்றி
வென்று பகை கெடுக்கும் நின்கையில் வேல் போற்றி
என்றென்றுன் சேவகமே ஏத்திப் பறை கொள்வான்
இன்றுயாம் வந்தோம் இரங்கு ஏல் ஓர் எம்பாவாய்
எம் பாவை 24
அண்டங் காப்பவனுக்கு என்னைப் பார்க்க நேரமில்லையோ!
ஆகாய வண்ணனுக்கு என் குரல் கேட்கவில்லையோ!
இரண்யனுக்கும் ப்ரசன்னமானவனுக்கு இரக்கம் தோன்றவில்லையோ!
ஈகைப் பேரருளாளனுக்கு என் மீது ஈரம் கசியவில்லையோ!
எனக்குக் கேட்கத் தெரியவில்லையோ! அல்லது
உனக்குத் தர உள்ளம் உடன்படவில்லையோ!
எல்லை இல்லா துன்பத்தில் எம்மைத் தவிக்கவிட்டு
ஏதுமறியாதது போல் ஏளன மெளனம் காப்பாயோ!
ஐயத்திற்கப்பாற்பட்ட பரமனுக்கு என்னை ஆதரிக்க மனமில்லையோ!
ஒன்றிரண்டல்ல நாழிகை, நாள், மாதம், ஆண்டென காலம் என்னை
ஓட ஓட விரட்டுவதை ஓரமாய் நின்று ரசிக்கிறாயோ!
இந்த காயங்களுக்கு என்ன காரணமெனத் தெரியவில்லை ஆனால்
இவற்றிற்கான களிம்பு இருப்பது உன்னிடம் அன்றோ!
என்ன செய்வாயோ தெரியாது! ஆனால் எல்லாவற்றுக்கும் நீயே பொறுப்பு!
இன்னும் எது வரை போகும் எனத் தெரியவில்லையே! ஏ! கண்ணா!
உன் பதிலுக்காக வரவுக்காக என் விடுதலைக்காக
இன்னும் விசுவாசத்துடன் நம்பிக்கையுடன் காத்திருக்கிறேன்!
காக்க கருடன் ஏறி கண்ணா வருவாய்!
-காஞ்சனா
No comments:
Post a Comment