காரணம் ஏதென்று அறிய இயலவில்லை;

சுமக்க முடியா சோகம் சுமந்து

கடந்து போனது இன்றைய தினம்.

தைலங்கள் தீர்க்க முடியா தலைவலி.

காற்று விரட்ட முடியா மனப்புழுக்கம்.

காகிதத்தில் இயற்ற முடியா கண்ணீர் கவிதை!

ஒருமுகப் படுத்த முயற்சித்தும்

ஒப்பேற்றிச் சிதறிய சிற்சில மணித்துளிகள்.

ஒன்றாகவே அயர்ந்து போன

உடலும் மனமும்!

காரணம் ஒன்று மட்டும் தான்

கடுகளவேனும் பிடிபடவில்லை!!!

எனக்கு என்ன ஆயிற்று!!