வானவில்லில் வழுக்காமல்

வண்ணத்துப்பூச்சியின் இறகுகளில் விழிகள்!

மொழியில் விருப்பமில்லை;

மெளனம் விழைகிறது மனம்!

வார்த்தைகள் வஞ்சித்து விடுகையில்

காத்திருப்புகள் அர்த்தமற்றுப் போகின்றன

காணாமல் போனவை கவிதைகளாயினும்;

கண்கள் அறிந்திராத கனவுகளாயினும்!

காரணமற்றுப் போயினும்

காலங்கள் கடந்தோடினும்

காற்றில் நுரைகளாய்

கரைந்துடைந்து போயினும்

காத்திருப்புக்கள் கலைவதில்லை

கரையாடும் கடலலைகளில்!