ஒரு விதைக்குள்
ஒளிந்திருக்கும் விருட்சமாய்
வேர் பரப்பி
விழுதுகள் இறக்கி
உலகத்தின் ஒளிக்காக
உதிக்கத் தயாராகிறது
ஒன்றுபட்ட
பாரதம்!

மொழியால் நாங்கள்
பிரியவில்லை;
மொழியின் பெயரால்
பிரிக்கப் பட்டிருக்கிறோம்
என்பதை யாம்
எப்பொழுதும் உணர்ந்திருக்கிறோம்!

இனத்தால் நாங்கள்
வேறுபடவில்லை;
இன அரசியலால்
கூறுபோடப் பட்டிருக்கிறோம்
என்பதையும் யாம்
இப்பொழுதும் உணர்ந்திருக்கிறோம்!

இந்த உலகத்திற்கான
இரையையும்
இறையையும்
இந்த தேசம்
கொண்டுள்ளதை
அகிலத்தார் உணர்வது
அதிகத் தொலைவில்
இல்லை!

யார் துண்டாட
நினைத்தாலும்
நாங்கள்
ஒன்றுபட்டே நிற்போம்
என்ற பேருண்மையை;

அமைதி என்ற
இந்த பிரபஞ்சத்தின்
இணையற்ற இசையை
இந்த மண்ணின் மக்கள்
ஓங்கி ஒலிக்கச் செய்வோம்
என்ற பெருமிதத்தை;

வேற்றுமையில் ஒற்றுமை
காணும் மண்ணின்
மகத்துவத்தின் விசையை
உணரத் தயாராகுங்கள்
உலகத்தாரே!

இந்த தேசத்தின் பெயர்
இந்தியா!
இதன் மக்கள்
இந்தியர்!
அன்றும்
இன்றும்
என்றென்றும்!
இனிய சுதந்திர தின வாழ்த்துக்கள்!
Being Proud to be an Indian!
Wish you All a Happy Independence Day!